دسته: Senkategoria

La Rezolucio de la 7-a Irana Esperanto-Kongreso (Virtuala)

La 7-a Irana Esperanto-Kongreso, kio unuafoje – sekve de la k(o)ronvirusa epidemio – okazis rete de la 16-a ĝis la 19-a de aprilo 2020 kun 121 partoprenintoj el 35 landoj;

– Aŭskultinte la salutmesaĝojn de la prezidanto de Universala Esperanto-Asocio kaj de la esperantistaj organizaĵoj el Ĉinujo, Germanujo, Indonezio, …..;

– Aŭskultinte la paroladon de unu el la grandaj nuntempaj lingvistoj, d-ro Robert Phillipson, el la universitato de Kopenhago, la plej konata subtenanto de egaleco kaj kontraŭ-imperiismo en la kampo kultura kaj lingva;

– Debatinte pri la problemoj de la movado por la internacia lingvo Esperanto en Irano kaj en la mondo;

– Analizinte la situacion en multaj landoj lige al la krizo pro la monda epidemio kaj lige al aliaj nesolvitaj problemoj pri manko de kunlaboro inter landoj kaj pri agresoj militaj kaj ekonomiaj

Deklaras, ke:

– Problemoj kiel tiuj de la monda epidemio kaj de la klimato-ŝanĝiĝo klare montras, ke la mondo estas unu, kaj interligita, kaj ke tiaj vastaj kaj vere danĝeraj problemoj povas esti solvataj nur je tutmonda nivelo;

– Solvoj de tiaj problemoj kaj de aliaj, kiel malsato, manko de lernejoj kaj kuracado por ĉiuj, bezonas mondon sen militoj kaj sen aliaj formoj de agreso;

– Sociaj sistemoj, kiuj privilegias individuajn rajtojn kaj individuan profiton kaj malatentas sociajn problemojn kaj solidarecon kun suferantoj pro mizero, subevoluo aŭ malsanoj, jam montris sian kruelecon al homoj kaj sian neefikecon en krizaj situacioj kiel la nuna kaj devas absolute ŝanĝiĝi;

– Post la fino de la nuna krizo pro la monda epidemio, la mondo bezonos pacon, dialogon, solidarecon kaj toleremon antaŭ malsameco de ideoj kaj vivkonceptoj;

– En tia nova mondo sen imperiismoj kaj hegemoniismoj ankaŭ en la lingva kaj kulturaj kampoj, la internacia lingvo Esperanto, tutmonda lingvo de paco, interkompreniĝo kaj kunlaboro, povos trovi sian ĝustan kaj justan lokon.

Irana Esperanto Asocio okazigis specialaln kunvenon okaze de la 160-a naskiĝ-datreveno de Zamenhof. En la kunveno partoprenis dek personoj. La programo konsistis el du prelegoj: Ing. Mamduhi kun la temo “Esperanto, kial jes?!” kaj d-ro Sayadpour kun la temo “Kuraco kaj Paco”. Post la prelegoj la partoprenantoj ĝuis regaladon per kukoj kaj kafo.

Monata Prelego
Temo: instrui fremdajn lingvojn en Ĉinio
Prelegonto: Saed Abbasi
Dato: 3-an de novembro 2019 je la 16-a horo
Loko: IREA-Oficejo

Fame-konata lernolibro de Stano Marĉek “Esperanto per Rekta Metodo” jam estas eldonita en Irano. La libro estas tradukita en 42 lingvoj kaj la persa eldono estas la 43-a lingvo en kiu la libro tradukiĝas. La tradukon faris S-ro Said Baluĉi.

Monata Prelego
Temo: Kiel Organizi Esperantajn Renkontiĝojn
Prelegonto: S-ro Rezaifar
Dato: 28-an de Julio 2019 je la 17-a horo
Loko: N-ro 9, Memar strateto, Fajjazi Strato, Azarbajĝan Strato, Tehrano

Dimanĉe la 26-an de majo (5-an de Ĥordad-monato laŭ la Persa kalendaro) ekde la 5-a vespere en IREA oficejo prelegis D-ro Saŭadpour pri “Slovenio, krucvojo de tri kulturoj”. En la preleg-sesio partoprenis 8 personoj. La interesa aspekto de tiu ĉi kunsido estis ĉeesto de du novaj vizaĝoj kiuj estis informitaj pri la okazo pere de sociaj retoj.

Fine nia longedaŭra revo realiĝis. Irana Esperanto-Asocio fine kaj perhelpe de karaj gesamideanoj sukcesis aĉeti 42 metran apartamenton en la centro de Tehran. Jen la adreso:

Tehran, Ghomhuri, antaŭ ol Ferosi, Shejbani, Saberi, Nu: 3, Ap 3

Inaŭguro okazos en alia monato

 

 

 Karaj geesperantistoj!

Dimanche la 25a de februaro (= 6/Esfand/96) ni havis du programojn:

1- monata prelego , 2- intervizito kun niaj du francaj samideanoj Kamij Bᴏɴᴠɪᴠᴏ kaj Aleks Aɴᴅʀᴇ. En la oficejo je la 17a horo.